Saat24.Az xəbər verir ki,İyulun 15-də Mərkəzi Aran Regional Təhsil İdarəsinin tabeliyində fəaliyyət göstərən şagird sayı 151-500-dək və hazırda direktor vəzifəsi vakant olan ümumi təhsil müəssisələrinə direktorların işə qəbulu müsabiqəsinin test imtahanı mərhələsi keçiriləcək.
Qeyd edək ki, test imtahanı mərhələsi Yevlax şəhəri S. Əliyev adına 1 nömrəli tam orta məktəbdə (ünvan: Yevlax ş. Nizami prospekti 77) keçiriləcək. İmtahanın keçirilmə müddəti 80 dəqiqədir. Namizədlərə tənqidi oxu bacarığı üzrə 15, riyazi və məntiqi düşünmə üzrə 15, təhsil qanunvericiliyi üzrə 15 sual olmaqla 45 test tapşırığı təqdim ediləcək.
İmtahan saat 10:00-da başlayacaq.
İmtahanda iştirak edəcək namizədin imtahanın keçiriləcəyi binaya daxil olarkən şəxsiyyəti təsdiq edən sənədinin üzərində olmağı mütləqdir. Eyni zamanda namizədlər imtahan mərkəzinə imtahan müddəti başlamazdan 30 dəqiqə əvvəl yaxınlaşmalıdır.
Həmçinin direktorların işə qəbulu müsabiqəsinin test imtahanı mərhələsində iştirak hüququ qazanan namizədlərin əlaqə nömrələrinə bu barədə SMS bildiriş göndərilib və əlavə olaraq gün ərzində də həmin namizədlərlə telefon vasitəsilə əlaqə saxlanılaraq məlumat bildiriləcək.
Test imtahanı mərhələsində iştirak edəcək bütün namizədlərə uğurlar arzulayırıq!
