Milli Məclisin deputatı Jalə Əliyeva Heydər Əliyev Mərkəzində seçiciləri ilə görüşüb.
Saat24.Az xəbər verir ki, mütəmadi olaraq keçirilən görüşdə millət vəkili Jalə Əliyeva vətəndaşlar tərəfindən səsləndirilən problemləri diqqətlə dinləyivb, müraciətlərin tez bir zamanda müsbət həlli üçün adiyyatı qurumları məlumatlandıracağını bildirib. Seçicilərin hər birini ayrı-ayrılıqda dinləyən deputat, bəzilərinin problemlərini elə yerindəcə həll edib.
Qəbula gələnlər tərəfindən səsləndirilən əsas məsələlər sırasında məşğulluq, sosial şəratin yaxşılaşdırılması, tibbi ehtiyaclarının təmin edilməsi ilə bağlı məsələlər başlıca yer alıb.
Səmimi qəbul vətəndaşlar tərəfindən müsbət qarşılanıb. Seçicilər onların sosial problemlərinin həlli istiqamətində göstərdiyi böyük diqqət və qayğıya görə Prezident cənab İlham Əliyevə təşəkkürlərini ifadə ediblər.
Qəbulda Zərdab rayon İcra Hakimiyəti başçısının müavini Xəyalə Veyisova, Vətən müharibəsi əlilləri və şəhid ailələri ilə işin təşkili şöbəsinin müdiri Zinhar Bayramov,19 Saylı Ərazi Məşğulluq Filialının Zərdab xidmət şöbəsinin baş mütəxəssisi Şəhriyar Şükürzadə iştirak ediblər.
